Presidentja Vjosa Osmani ka uruar komunitetin turk në Kosovë për festimin e ditës së tyre. Ajo thotë se Komuniteti turk ka kontribuuar në procesin e shtetndërtimit dhe kontribuon në vazhdimësi në jetën institucionale të vendit.
“Në Ditën e Komunitetit turk, festojmë për mozaikun e pasur të diversitetit etnik e kulturor të Kosovës. Tradita, gjuha dhe zakonet e komuniteteve e begatojnë Kosovën dhe nxisin mirëkuptim, tolerancë e harmoni. Urime Dita e Komunitetit turk!”, ka shkruar Osmani në rrjetin shoqëror Facebook. /Kosovatimes/
