Qiejt parashikohet të kthjellohen të mërkurën pasi erërat lëvizin dhe zhvendosin pluhurin, së bashku me uljen e temperaturave.
Qielli mbi Greqinë jugore mori një ngjyrim portokalli, sepse retë e pluhurit të rërës që erdhën nga Afrika e Veriut dhe arritën në Athinë nëpërmjet Detit Mesdhe, e “lyenin” në portokalli qytetin me të gjitha monumentet e tij.
Erërat e forta jugore bartnin pluhur nga shkretëtira e Saharasë dhe teksa arriti në atmosferën mbi Greqinë, Athina mori ngjyra të ngjashme me ato të Marsit në mbrëmje.Qiejt parashikohet të kthjellohen të mërkurën pasi erërat lëvizin dhe zhvendosin pluhurin, së bashku me uljen e temperaturave.
Foto: Reuters
Të martën, temperatura më e lartë ditore në pjesë të ishullit jugor të Kretës ishte mbi 30 gradë Celsius, gati 20 gradë më e lartë se pjesa më e madhe e Greqisë veriore.
Shërbimi zjarrfikës njoftoi se në 24 orët e fundit kanë rënë gjithsej 25 zjarre në të gjithë vendin. Tre persona janë arrestuar në ishullin Paros në detin Egje me dyshimin se kanë ndezur aksidentalisht një zjarr. Nuk raportohet për dëme të konsiderueshme materiale apo të lënduar, ndërsa zjarri është lokalizuar me shpejtësi, raporton N1.
Një tjetër zjarr ka rënë në Kretë pranë një baze detare dhe tashmë është nën kontroll.
Greqia përballet me zjarre shkatërruese dhe shpesh vdekjeprurëse në pyje çdo verë, dhe vitin e kaluar vendi pa më të mëdhenjtë në të gjithë Bashkimin Evropian në më shumë se dy dekada.
