Sesioni i Asamblesë së Përgjithshme të OKB-së ku do të votohet për rezolutën për gjenocidin në Srebrenicë nuk do të mbahet më 2 maj, siç ishte planifikuar, konfirmoi ambasadori i Bosnjës dhe Hercegovinës në OKB, Zlatko Lagumxhija.
Ai tha se sot propozimin e tekstit të rezolutës po ua dërgojnë vendeve anëtare në mënyrë që të kenë edhe pak kohë për konsultime me krerët e qeverive të tyre.Ai shtoi se seanca e Asamblesë së Përgjithshme për këtë çështje do të mbahet pas datës 6 maj, varësisht nga orari i seancave.“Ne do ta dimë këtë të martën. Ne morëm pjesë në këtë vendim për t’u dhënë më shumë kohë anëtarëve për një kuptim më të mirë të tekstit të rezolutës për Srebrenicën ,” tha Lagumdžija për Hayat.
