Ish-Presidenti slloven, Borut Pahor, po përmendet si pretendent në pozitën e Përfaqësuesit Special të Bashkimit Evropian për dialogun Kosovë – Serbi.
“Lidhur me pyetjet që po merr ish-Presidenti Pahor në pritje të rolit të tij si kandidat si Përfaqësues Special i BE-së për Dialogun Beograd-Prishtinë dhe çështje të tjera rajonale të Ballkanit Perëndimor, ai aktualisht nuk po i përgjigjet asnjë pyetjeje apo kërkese për intervistë deri në njoftimin e dytë”, thuhet në një postim të faqes zyrtare të Pahor në X.
Bëhet e ditur se Pahor aktualisht është në përgatitje të një draft skice për vazhdimin e dialogut.
“Ish-presidenti Pahor është duke përgatitur një draft skicë për vazhdimin e dialogut, por ai dëshiron që fillimisht ta koordinojë atë me Përfaqësuesin e Lartë për Politikën e Jashtme dhe të Sigurisë, Borrell dhe vendet anëtare të BE-së, veçanërisht vendet e Quintit”, vazhdon njoftimi. /Kosovatimes/
Regarding the inquiries former President Pahor is receiving in anticipation of his role as a candidate for EUSR for the Belgrade-Pristina Dialogue and other WB regional issues, he is currently not responding to any questions or interview requests until further notice. 1/2
— Borut Pahor (@BorutPahor) April 27, 2024
