Pingpong/Luhen ligat e të rinjve, rezultatet dhe renditja

Të shtunën në Ferizaj, u zhvilluan ndeshjet e javës së fundit për Ligat e të rinjve.

Në Ligën U19 për meshkuj pati shumë ndeshje interesante dhe me rivalitet të lartë, ku nga 6 ndeshje gjithsej, katër përfunduan me rezultat të ngushtë 3:2 në seta. Kjo dëshmon se shumica e skuadrave janë shumë të niveluara për nga cilësia.

Kampion i stinorit pranveror doli KPP Gani Maloku me 3 fitore dhe një humbje, aq sa tuboi edhe KPP Vushtrria, por në duelin direkt më e suksesshme ka qenë skuadra ferizajase. Pas tyre, në pozitat 3 dhe katër, me pikë të njëjta nga 6, renditen skuadrat prizrenase Lidhja e Prizrenit dhe Shkolla Prizreni, ndërkaq tabelën e përmbyllë Prishtina pa asnjë fitore të shënuar.

Në ligën U15 Grupi A, kampione doli Ahmet Hoxha MK me të gjitha ndeshjet e fituara e ndjekur nga Prishtina me një fitore më pak. TTC Ferizaj renditet e treta me 6 pikë, kurse Shqiponjat e Zeza janë të parafundit me 5 pikë të tubuara. Në pozitën e fundit, pa asnjë fitore, renditet Hasan Prishtina.

Në grupin B U15 për meshkuj, më e suksesshmja doli KVPP Prizreni me të gjitha ndeshjet e fituara, para Gani Malokut që ka vetëm një humbje. Ulpiana renditet e treta me dy fitore para Dritës me një fitore dhe Pripingut pa asnjë fitore.

Në Ligën U15 për femra, vendin e parë e ndajnë Ahmet Hoxha MK dhe Artana me nga shtatë pikë, por në duelin direkt ka triumfuar skuadra nga Ferizaji. Ngjashëm është situata edhe në vendet 3 dhe katër ku janë renditur Ahmet Hoxha dhe Prishtina me nga 6 pikë të fituara, kurse KVPP Prizreni është e fundit pa asnjë pikë.