Korporata e Sfidave të Mijëvjeçarit (MCC) dhe Qeveria e Kosovës kanë lansuar programin “Kompakt”, i cili do të mundësojë zgjidhje të energjisë së pastër, për të përmirësuar gjendjen e energjisë në Kosovë.
Kurti: Mbështetja e ShBA-së vë Kosovën në destinacion për investime
Kryeministri i vendit, Albin Kurti, për programin “Kompakt”, ka thënë se viti 2024 ka qenë një vit i jashtëzakonshëm në fushën e energjisë dhe akoma jemi në muajin prill.
Kryeministri Kurti ka folur për angazhimin e tij si kryeministër për investimet në sektorin e energjisë së ripërtërishme, ku, siç tha ai, ka kryer me sukses ankandin solar me 100 MW, me 6 ofertues me 35 % të më i ulët sesa çmimi i ofertuar.
Kurti, tutje, tha se ka mbështetjen e përhershme të partnerit strategjik, SHBA-së, ku e vë Kosovën në një hartë të investitorëve të huaj që do të kenë një vlerësim të pavarur për të vendosur vendin tonë si një destinon për investime.
“Kjo do të ndikojë që të zgjerohen financat dhe të zvogëlojë koston e huazimit për vendin tonë”, tha kryeministri Kurti, teksa tha se shpreson që pjesë e këtyre investimeve të jetë edhe në sektorin e energjisë së ripërtërishme.
Kurti më tej shtoi se hyrja në fuqi e programit “Kompakt” e ka plotësuar enigmën duke ofruar qëndrueshmëri dhe fleksibilitet në sistem.
Osmani: Programi ‘Kompakt’ është investim për të ardhmen e Kosovës
Presidentja e vendit, Vjosa Osmani, me rastin e lansimit të programit “Kompakt”, ka thënë se është një simbol i mbështetjes së pakompromis në marrëdhëniet strategjike ndërmjet dy shteteve tona dhe qytetarëve tanë.
Sipas saj, ky event përveç shënimit tonë të bashkëpunimit të suksesshëm po ashtu përbën edhe fuqizimin e vendit.
“Ky kompakt përfaqëson më shumë se sa një grant, është një simbol i mbështetjes së pakompromis në marrëdhëniet strategjike ndërmjet dy shteteve tona dhe qytetarëve tanë. Marrëdhënie e ndërtuar në vlera, respekt të përbashkët për prosperitet”, ka thënë Osmani, duke shtuar se ShBA kanë mbështetur Kosovën dhe kanë qëndruar pranë nesh edhe në ditët më të vështira në secilin hap të saj, duke përpjekur në zhvillimin ekonomik dhe atë demokratik.
“Kompakti që po lansojmë sot nuk është vetëm investim në infrastrukturën e energjisë dhe qëndrueshmërinë e ekonomisë sonë, por është investim për të ardhmen e Kosovës dhe njerëzve të saj”, tha presidentja e vendit.
Ajo, tutje shtoi se në qendër të këtij projekti që po lansohet sot është transformimi i energjisë përmes zbatimit të solucioneve inovative dhe vendosja e parimit të barazisë, si parakusht në qëndrueshmërinë në botën e energjisë .
“Si e tillë MCC-ja fokusohet kryesisht në projektet e ruajtjes së energjisë në bateri që do ta revolucionalizojë energjinë e Kosovës, të adresojë sfidat më të mëdha të Kosovës e të rajonit që është qëndrueshmëri e energjisë dhe besueshmëria në të”, tha mes tjerash presidentja Osmani.
