Pak ditë pasi Kryetari i Kryeqytetit, Përparim Rama, postoi tregimin e Samiut, qytetarit shembullor që ka adoptuar 10 qenë endacak, deputeti i VV-së, Mefail Bajcinovci, poston një video të një qeni endacak në një nga sheshet e Kryeqytetit.
Një video që nuk ndihmon në zgjidhjen e problemit, por ka për qëllim me frikësua qytetarët e me bë lojë politike. Kështu thekson Nënkryetari i komunës së Prishtinës, Alban Zogaj, duke kritikuar Mefail Bajqinovcin deputet i VV-së në Kuvendin e Kosovës pasi ky i fundit sipas tij sikur ky i fundit të ishte qytetarë dhe deputet që ia do të mirën Prishtinës e qytetarëve të saj do të shpërndante videon për Samiun, për të ngritur vetëdijen e qytetarëve për adoptim të qenve endacak.
“Ai do të duhet të kërkonte llogari nga ministrat e partisë së tij se sa është zbatuar Strategjia Kombëtare për Menaxhimin dhe Kontrollin e Qenve Endacak në tërë territorin e Kosovës? Cilat masa i ka ndërmarrë Qeveria me zgjidh problemin? Sa ka ndarë buxhet Qeveria për këtë problematikë? Do të kontaktonte institucionet e Kryeqytetit për të adoptuar së paku një qen endacak. Do ta ngriste si temë në Kuvendin e Kosovës”. Por jo, Zogaj thotë se Mefi e bën propagandën, Mefi mbjell frikën, Mefi nuk don me u zgjidh problemi i qenve endacak!”, ka shkruar Zogaj. /Kosovatimes/
