Sulmet fatale në zemër ndodhin më shpesh të hënën se çdo ditë tjetër të javës, sipas një studimi të kryer në Britaninë e Madhe.
Shkencëtarët që ndoqën 10,528 paciente me atak ne zemer , të cilët u pranuan pa trajtim në spitalet në të gjithë Irlandën gjatë një periudhe pesëvjeçare, zbuluan se kishte 13 për qind më shumë pranime të hënave, raporton Times.
Shkencëtarët besojnë se arsyeja për këtë është cikli natyror gjumë-zgjim i trupit, ose ritmi cirkadian, i cili prishet gjatë fundjavës, sepse njerëzit festojnë deri në orët e vona të natës dhe sillen shumë rastësisht.
Kur njerëzit kthehen në ritmin e tyre normal të hënën herët në mëngjes, kjo shkakton procese inflamatore dhe rritje të sekretimit të hormoneve të stresit që mund të shkaktojnë një atak në zemër.
Studimi përfshiu pacientë me llojin më të rëndë të sulmit në zemër, infarkt miokardi me ngritje të segmentit ST (STEMI), i cili ndodh kur një arterie koronare kryesore bllokohet plotësisht.
