Arsenal ka marrë fitore të vogël për nga rezultati po të madhe për nga momenti ndaj Manchester United.
Kur kanë mbetur edhe pak ndeshje në Premier League dhe kur do të sqarohet çështja e titullit, skuadra e drejtuar nga Mikel Arteta ka arritur të fitojë në “Old Trafford”.
Rezultati përfundimtar i ndeshjes ka qenë 0-1.
Momenti vendimtar ka qenë ai i minutës së njëzetë, kur Leandro Trossard e ka shënuar golin e vetëm të ndeshjes pas një topi të marrë nga Kai Havertz.
Me këtë fitore të rëndësishme, skuadra e Arsenalit ka marrë kryesimin në tabelën e Premier Ligës, duke mbledhur 86 pikë. Një pikë më shumë se rivali më i afërt, Manchester City, i cili gjithashtu ka luajtur një ndeshje më pak.
