Për familjen 5-anëtarëshe nga Gjilani, barra për të siguruar një kulm mbi kokë e pak ushqim është e papërballueshme. Familjes Kçiku i mungojnë kushtet elementare për jetë, si ushqimi, veshmbathja dhe çdo gjë tjetër.
Skamja dhe problemet shëndetësore janë bërë bashkë në këtë shtëpi, thuajse të rrënuar. Në të jeton një familje pesë anëtarëshe nga Gjilani e barra për të siguruar një kulm mbi kokë e pak ushqim është e papërballueshme për të.
Kryefamiljarja, Alije Kqiku tregon për vështirësitë që ajo po kalon së bashku me dy vajzat, mbesën e nipin.
“Qe sa vjet jam me qira, duke ndërruar shtëpia…Kur ra shiu i madh, me harrna e me qetka tu fshi, u tutshëm po shembët diçka”, tha Kçiku.
Kjo familjeje, së cilës i mungojnë kushtet elementare për jetë si ushqimi, veshmbathja dhe çdo gjë tjetër, ndihmë të vetme ka pagesën 100 eurosh të qirasë nga Komuna e Gjilanit.
“Për një kulm të shtëpisë jam në zor”, thekson kryefamiljarja për RTK.
Më të rëndë jetesën po ua bëjnë sëmundjet që ka Alija së bashku me dy vajzat e saj, 42 dhe 48 42 vjeçe.
Për to, kjo shtëpi e shkatërruar është më shumë sesa thjesht një strehë. Në këtë ambient të errët, familja pesë anëtarëshe mbijeton, duke pritur dorën e vullnetmirëve.
