Janë arrestuar dy persona të dyshuar, derisa një tjetër është shpallur në kërkim nga policia në lidhje me rastin e djeshëm në Çagllavicë, ku një person dyshohet të ketë bërë vetëvrasje.
Policia e Kosovës përmes një njoftimi për media tha se në koordinim me prokurorin dhe me urdhër të gjyqtarit është bërë bastisja në dy lokacione të ndryshme.
“Në shtëpinë e të dyshuarit të parë gjatë kontrollit janë gjetur dhe sekuestruar disa dokumente, ndërsa në lokacionin e dytë në shtëpinë e dy të dyshuarve nuk është gjetur asgjë e dyshimtë që ndërlidhet me rastin”, thuhet në raportin e policisë.
Tutje bëhet e ditur se dy të dyshuarit janë arrestuar dhe pas intervistimit me vendim të prokurorit janë dërguar në mbajtje, ndërsa i dyshuari i tretë, pasiqë nuk është hasur në shtëpi gjendet në kërkim policor.
