Ekipet e shpëtimit gjatë operacionit të kërkimit të trupave në vendin ku një helikopter që po bartte presidentin iranian, Ebrahim Raisi, u rrëzua në një zonë malore të mbuluar nga mjegulla në veriperëndim të Iranit, më 20 maj.
Ministri i Jashtëm, Hossein Amir-Abdollahian, ishte gjithashtu në mesin e të vdekurve, së bashku me shtatë persona të tjerë. /rel/

Raisi, 63 vjeç, dhe ministri i Jashtëm, Hossein Amir-Abdollahian, janë gjetur të vdekur në vendin e rrëzimit të helikopterit.

Presidenti iranian, Ebrahim Raisi, dhe ministri i Jashtëm, Amir-Abdollahian, ktheheshin nga një vizitë në kufi me Azerbajxhanin, më 19 maj, kur helikopteri i tyre u rrëzua në veriperëndim të Iranit, duke shkaktuar vdekjen e të gjithë personave në bord.





Helikopteri i Raisit ishte rrugës për në qytetin e Tabrizit kur u rrëzua pranë qytetit të Jolfës, në atë që televizioni shtetëror tha se ishte një “ulje e vështirë”. Disa media më vonë cituan burime qeveritare të thoshin se helikopteri u rrëzua teksa kalonte një zonë malore dhe pyjore.

