Imazhet e rralla ruajtura në një arkiv të ShBA-së tregojnë vitet e punës që u deshën për të rindërtuar rajonin e Donbasit të Ukrainës, herën e fundit që u shkatërrua nga lufta. /rel/
Kjo foto është një nga disa të tjera që mbahen në arkivin e imazheve të Bibliotekës së Harvardit, që tregon rindërtimet pas luftës të rajonit lindor të Donbasit të Ukrainës gjatë viteve 1940.
Donbasi u pushtua nga forcat naziste dhe italiane nga viti 1941 deri në vitin 1943. Shumica e fotove në këtë galeri janë realizuar mes viteve 1944 dhe 1949.
Nga viti 2014 e këndej, rajoni i Donbasit është tronditur edhe një herë nga konflikti mes separatizmit të mbështetur nga Kremlini, që i parapriu luftës që vazhdon sot.
Miliona ukrainas vdiqën në duart e forcave okupuese të udhëhequra nga nazistët gjatë Luftës së Dytë Botërore, e cila erdhi menjëherë pasi popullsia e Ukrainës Sovjetike u shkatërrua nga kriza e urisë e krijuar nga Kremlini, e njohur si Holodomor.
Në kohën kur u bënë këto foto, pati një fluks rusësh etnikë që lëviznin në rajonin e Donbasit për të marrë pjesë në rindërtimin e tij.
Donjecku më parë quhej Juzovka, sipas themeluesit të tij uellsian John Hughes, përpara se të emërohej sipas Stalinit.
Sipas një raporti të deklasifikuar të CIA-s nga viti 1952, fabrika ishte “80 për qind e dëmtuar gjatë luftës” dhe rifilloi funksionimin e plotë në maj të vitit 1949.
Parku u emërua fillimisht sippas Postyshev Petrovychit, një komunist që luajti një rol kyç në shkatërrimin e trashëgimisë fetare të Ukrainës dhe në Holodomor. Pasi Petrovych u ekzekutua më 1938, për shkak se ishte pjesë e një “organizate trockiste (kritike e stalinizmit) të krahut të djathtë”, parku u riemërua sipas funksionarit komunist Oleksandr Shcherbakov.
