Nicki Minaj u arrestua në aeroportin Schiphol të Amsterdamit në Holandë, sipas mediave lokale, siç raportohet nga Sky News. Reperja ka regjistruar arrestimin e saj dhe ka postuar gjithçka në rrjetet sociale.
Në video dëgjohet oficeri duke i thënë: “Je e arrestuar”.
“Ata u përpoqën të më ndalonin të vija në koncert. Më morën çantat para se t’i shihja. I futën në avion. Tani thonë se po presin doganën. Kështu duket kur njerëzit paguhen shumë paratë për të tentuar të sabotojnë një turne pasi gjithçka tjetër ka dështuar. Gjithçka që ata bënë ishte e paligjshme,” u ankua ajo.
Policia holandeze tha se një grua 41-vjeçare amerikane u arrestua nën dyshimin për posedim të drogave të lehta, por nuk përmendi emrin e gruas në fjalë. Artistja thuhet se ishte gati të fluturonte për në Mançester për një koncert në arenën Co-op Live ku ajo duhej të performonte.
