Kampionati Evropian për U13 vjeç, filloi si një ngjarje eksperimentale në vitin 2022 në Podgoricë të Malit të Zi, pastaj vitin e kaluar, Kampionati u mbajt për herë të parë në Zagreb, kurse ky në Bukuresht ishte Kampionati i dytë me radhë.
Ekipi i përfaqësueses së Kosovës për grup-moshat U13 është kthyer nga Rumania, ku ka marrë pjesë në Kampionatin evropian. Ekipi ynë është përfaqësuar me këtë përbërje:
Meshkujt: Olti Behluli, Muhammet Mudut, Resul Smaili, Trajner: Ardian Lamaxhema
Femra: Vlera Beqa, Sara Hoxha, Trajner: Sadri Abazi, udhëheqës i delegacionit Remzi Shala.
Në fazën e parë, ekipi ynë ka garuar në konkurrencën ekipore në grupin F me Francën, Spanjën dhe Italinë, ku i humbën të tria ndeshjet me rezultatin 5:0. Në fazën e dytë garuan për pozicionet 17-29 në grupin 7 me Kroacinë, Anglinë dhe Slloveninë. Ndeshjet ndaj Anglisë dhe Sllovenisë i kemi humbur me 5:0, kurse ndaj Kroacisë me 4:1. Në ndeshjen ndaj Kroacisë, Olti Behluli, ka arritur një fitore.
Në konkurrencën ekipore Kampione ka dalë Gjermania, pasi ka fituar në finale ndaj Spanjës me 3:0.
Në konkurrencën individuale, lojtarët tanë nuk kanë arritur të kalojnë fazën e grupeve, por vlen të përmendet fitorja e Olti Behlulit, ndaj lojtarit të Malit të Zi.
