Ministria e Kulturës, Rinisë dhe Sportit ka publikuar logon dhe agjendën shtetëror për shënimin e 25 vjetorit të çlirimit të Kosovës.
Manifestimi do të mbahet me datat, 10, 11, 12, 15, 19 dhe 21 qershor ku do të ketë aktivitete të ndryshme.
Sipas njoftimit të ministrisë me 8 qershor do të mbahet koncerti “Shkurte Fejza – 50 vjet, Zëri i Kombit”, në sallën e madhe të Pallatit të Rinisë dhe Sportit.
Me 10 qershor do të ketë konferencë shkencore për 25 vjetorin e ndërhyrjes së NATO-s dhe lirimit të Kosovës dhe manifestimi për shënimin e 146 vjetorit të Lidhjes Shqiptare të Prizrenit.
Kurse me 11 qershor do të hapet ekspozita “KFOR and Kosova+25”, dhe koncert i Filharmonisë së Kosovës.
E më 12 qershor Kuvendi i Republikës së Kosovës do të mbajë seancë solemne, do të ketë parakalim të Forcës së Sigurisë së Kosovës, pritje shtetërore nga Presidentja, Kryeparlamentari dhe Kryeministri i Kosovës dhe koncert festiv publik.
Ndërsa me 15 qershor do të bëhet përurimi i shtegut të lirisë “Pashtriku” në Has të Pashtrikut.
Me 19 qershor bëhet promovimi i librit “Shqiptarët dhe serbët-e vërteta kundër të pavërtetës” e autorit Shyqyri Nimani.
Në datën 21 qershor do të ketë ekspozitë dhe koncert për ditën Botërore të Muzikës nga Shoqata e Kompozitorëve të Kosovës.
