Kryeministri suedez, Ulf Kristersson, Suedia merret me tre kërcënime paralele për sigurinë e brendshme të vendit: terrorizmin dhe ekstremizmin e dhunshëm, aktorët e shtetit armiqësor dhe krimin e rëndë të organizuar.
“Është jashtëzakonisht serioze që aktorët shtetërorë përdorin kriminelët e bandave në Suedi për të kryer akte dhune këtu. Lidhjen që shohim tani në Suedi, e kemi parë më parë edhe në vende të tjera evropiane. Është aktivitet kërcënues për sistemin që kërcënon shoqërinë tonë të lirë dhe të hapur”, thotë Kristersson në një deklaratë me shkrim për mediet vendore, transmeton RTKlive.
Kjo pasi Policia e Sigurisë ka veçuar Iranin për përdorimin e kriminelëve të bandave në Suedi si përfaqësues për akte armiqësore.
Kristersson vazhdon se qeveria dhe autoritetet po punojnë shumë për të parandaluar shtetet e tjera që të kryejnë aktivitete kërcënuese për sigurinë në Suedi.
“Siguria rreth objekteve hebreje dhe izraelite është rritur në të kaluarën, por kam respekt të madh për faktin se kjo situatë është jashtëzakonisht e pakëndshme për shumë hebrenj në Suedi. Duhet ta dini që qeveria, Autoriteti i Policisë dhe Policia e Sigurisë e marrin shumë seriozisht këtë”, shkruan ndër të tjera Kristersson.
