Komuna e Pejës ka nisur festimet për përvjetorin e 25-të të Ditës së Çlirimit të Pejës.
Kryetari i Komunës së Pejës, Gazmend Muhaxheri, thotë se përvjetori i 25-të i Ditës së Çlirimit do të shënohet me një sërë aktivitetesh.
Ai ka publikuar edhe agjendën e festimeve që do të zgjasin gjatë gjithë javës së ardhshme.
“Komuna e Pejës ka nisur festimet për përvjetorin e 25-të të Ditës së Çlirimit të Pejës, me një seri aktivitetesh që do të zgjasin gjatë gjithë javës së ardhshme, si dhe gjatë muajit qershor. Ky përvjetor i rëndësishëm shënohet me një program të larmishëm kulturor dhe artistik, ku janë të ftuar të gjithë qytetarët për të marrë pjesë dhe për të kremtuar këtë ngjarje historike”, ka shkruar Muhaxheri në Facebook. /Kosovatimes/
