Në përkujtim të 36 dëshmorëve të kombit të cilët ranë në operacionin “Shigjeta” në malet e Pashtrikut, u mblodhën veteranë të luftës, familjarë dhe përfaqësues të institucioneve të Kosovës.
I pranishëm ishte edhe ministri i Mbrojtjes, Ejup Maqedonci.
Ish zëvendës komandanti i Operacionit ” Shigjeta” Spiro Butka tha se Beteja e Koshares dhe ajo e Pashtrikut, plotësuan njëra tjetrën dhe me mbështetjen e NATO-s, çliruan vendin.
Kontributi i djemve të rënë për lirinë e vendit u cilësua si vlerë e çmuar nga veteranët Halil Çadraku e Ramize Shala – Sinani.
Për kontributin e dhënë në atë kohë në “Betejën e Pashtrikut” nga ish-komandanti i brigadës 128 u ndanë edhe mirënjohje.
