Gjyqtari për procedurën paraprake në Gjykatën e Lartë në Beograd – Departamenti për Krime Lufte ka nxjerrë vendim për paraburgimin deri në 30 ditë për ish-pjesëtarin e UÇK-së, Tefik Mustafa, i cili dyshohet për krime lufte në Kosovë.
Ndalimi i Mustafës, i arrestuar dy ditë më parë, është caktuar për shkak të rrezikut të arratisjes dhe rrezikut të ndërhyrjes në proces duke ndikuar mbi dëshmitarët, njoftoi Gjykata e Lartë.Kundër këtij vendimi lejohet ankesë në kolegjin penal jo gjykues të Gjykatës së Lartë në Beograd – Departamenti për Krime Lufte brenda tri ditëve nga marrja e vendimit.
Mustafa është arrestuar të shtunën, më 1 qershor, në pikën kufitare Merdare nën dyshimin se ka kryer krime lufte, raporton Srna.
Bëhet fjalë për pjesëmarrjen e pretenduar në kidnapimin e policëve Goran Marinkoviq, Zhivojin Paviq dhe Predrag Millosheviq më 19 qershor 1999 në rrugën kryesore Prishtinë – Gjilan, afër qytetit të Labljanit, pas së cilës u humbën të gjitha gjurmët.
