Disa nga ngjarjet e parapara të zhvillohen sot.
Vazhdon procesi i gjykimit në rastin Thaçi dhe të tjerët. (Hagë ora 09:00-16:30)
Komisioni për Ekonomi mban takim me Artur Lorkowski, drejtor i Sekretariatit të Komunitetit të Energjisë me seli në Vjenë. (Kuvendi i Kosovës, salla N-204, ora 10:00)
Komisioni për të Drejtat e Njeriut mban diskutim mbi procesin e verifikimit tё aplikacioneve të viktimave të dhunës seksuale gjatё luftës. Të ftuar: përfaqësuesit e Komisionit Qeveritar për Njohjen dhe Verifikimin e Statusit të Personave të Dhunuar gjatë Luftës. (Kuvendi i Kosovës, salla N-302, ora 10:00)
Oda e Hotelerisë dhe Turizmit të Kosovës – Departamenti i Estradës mban konferencë për medie. ( Zyra e OHTK-së afër Xhamisë së Dardanisë, objekti i Sira Academy, Prishtinë, ora 12:00).
Hapja zyrtare e Javës së Krenarisë. (Ndërtesa e Qeverisë së Kosovës, ora 18:00)
Mbahet gala-koncert në 25-vjetorin e çlirimit të Prishtinës “Kënga jonë-Për Ty Prishtinë” nën përkujdesjen e Komunës së Prishtinës. Këndojnë: Vesa Luma, Vullnet Sefaja, Yll Limani, Adelina Paloja, Albërie Hadërgjonaj, Alma Bektashi, Jehona Sopi, Jericho. (Sheshi “Skënderbeu” Prishtinë, ora 20:00)
