Zëvendësministri i Administrimit dhe Pushtetit Lokal, Avdula Gjeseviq, ka theksuar se ministria është duke bërë gjithçka për të përmirësuar qeverisjen komunale dhe së është në interes të Kosovës për të përmirësuar administratën vendore.
“Ministria është duke bëtë gjithçka për të përmirësua qeverisjen komunale, është interes i Kosovës për të përmirësuar administratën në Kosovë dhe ka nevojë për shumë punë. Duhet të përfshihemi në shërbimet e komunave pa dallim. Suksesi i komunave varet nga zhvillimi i anëtarëve të kuvendeve të komunave, e vlerësoj aktivitetin e DEMOS dhe KDI. Puna e tyre ka ndikuar në rritjen e punës së anëtarëve të komunave në mandatin e tyre”, ka deklaruar ai në ndarjen e çmime për anëtarët e kuvendeve komunale me performancën më të mirë në rolin përfaqësues, legjislativ dhe mbikëqyrës, të organizuar nga Instituti Demokratik i Kosovës në bashkëpunim me DEMOS.
Shefi i Zyrës së BE-së në Kosovës, ambasadori, Tomás Szunyog, ka thënë se roli i anëtarëve të kuvendeve komunale është thelbësor për përfaqësimin e interesit të qytetarëve.
“Në procese vendimmarrëse ju luani rol thelbësor për përfaqësimin e interesit të qytetarëve. Ju luani rol krucial në monitorim e efiçiencës së shërbimeve, progresin e projekteve kapitale dhe efikasitetin e programeve komunale. Përkushtimi juaja për të shërbyer komuniteteve dhe për të mbajtur vlera demokratike është i shkëlqyeshëm, kontributet tuaja janë vitalë në avancimin dhe zhvillimin e prosperitetit të Kosovës”, ka thënë ai, duke shpreh gatishmërinë e BE-së për të ndihmuar dhe për të siguruar qeverisje efektive.
Ndërsa, Jürg Sprecher, ambasador i Zvicrës në Kosovë, ka thënë se demokracia lulëzon kur qytetarët në mënyrë aktive përfshihen në mirëqenien e komuniteteve dhe marrin përgjegjësi.
Kurse, ambasadori i Suedisë në Kosovë, Jonas Ëesterlund, ka thënë se anëtaret e kuvendeve komunale kanë siguruar që iniciativat që ndërmerren nga komunat të jenë në linjë me nevojat e qytetarëve.
Naim Cahanaj nga KDI, ka thënë se qëllimi është rritja e llogaridhënies dhe nxitja ë një përformance më të mirë të anëtarëve të kuvendeve komunale.
Çmimet si “Anëtari i kuvendit komunal më aktiv”, çmimet si “Anëtarja e kuvendit komunal më aktive” si dhe çmimet si “Anëtari më aktiv me mandate të parë në Kuvendim Komunal”, u ndanë për 14 anëtarë të kuvendeve komunale nga këto gjashtë komuna.
