Trupi i një burri të paidentifikuar u gjet në plazhin afër Athinës, me një peshë 10 kilogramësh, siç përdoret në palestra, i lidhur me litar në këmbën e tij, njoftoi Roja Bregdetare.
Autoritetet u alarmuan për praninë e një trupi në plazhin e njohur Skinjas pranë Maratonës. Një zhytës nxori trupin, i cili ndodhej në fund, rreth 100 metra larg bregut.
Autoritetet thonë se trupi ka qenë në det për disa ditë. Mosha e burrit vlerësohej në 40-45 vjeç.
