Sonte po mbahet koncerti për 50 vjetorin e karrierës së këngëtares Shkurte Fejza, por që njëkohësisht po jepet edhe në prag të 25 vjetorit të çlirimit të Kosovës
Ilir Shaqiri, mbikëqyrësi artistik në RTK, tha se sonte do të jenë 17 këngë të Shkurte Fejzës që do të interpretohen në koncertin e 50 vjetorit të karrierës së saj.
Ai bëri me dije se do të jenë edhe mysafirë të Shkurtes, si: Kastriot Tusha dhe Nikollë Nikprelaj.
Koncerti mbështet nga Ministria e Kulturës dhe RTK. Disa nga këngët që do t’i këndojë Shkurte Fejza janë: “E kam emrin kosovar”, “Oj Kosovë oj nana ime”, “ Mora fjalë, “Xhamadani vija’, ‘Kosovë-Shqipëri”, etj.
