Ambasadorja e Izraelit në Kosovë, Tamar Ziv, ka njoftuar se janë liruar katër pengje izraelite të kidnapuara nga Hamasi.
Pengjet u shpëtuan nga dy lokacione të ndara në zemër të Nuseiratit.
“Sot në mëngjes, në një operacion të përbashkët special të kryer nga Forcat Mbrojtëse të Izraelit , Agjencia Izraelite e Sigurisë (ISA) dhe Policia e Izraelit, 4 pengje izraelite u shpëtuan në Gaza: Noa Argamani (25-vjeçe) Almog Meir Jan (21-vjeçar) Andrey Kozlov (27-vjeçar) Shlomi Ziv (40-vjeçar)”, ka shkruar Ziv në X.
Ajo ka pohuar se pengjet e shpëtuar në Gaza janë në gjendje të mirë shëndetësore.
“Ata janë në gjendje të mirë shëndetësore dhe janë bartur në Qendrën Mjekësore “Sheba” Tel-HaShomer për ekzaminime të mëtejshme mjekësore. Të katërtit u rrëmbyen nga organizata terroriste Hamas në festivalin muzikor “Nova” më 7 tetor, 2023”, ka shkruar Ziv.
Ambasadorja Ziv tha se Forcat e sigurisë do të vazhdojnë të bëjnë çdo përpjekje për t’i sjellë të gjithë pengjet e mbetur në shtëpi. /Kosovatimes/
Sot në mëngjes, në një operacion të përbashkët special të kryer nga Forcat Mbrojtëse të Izraelit @IDF, Agjencia Izraelite e Sigurisë (ISA) dhe Policia e Izraelit, 4 pengje izraelite u shpëtuan në Gaza:
Noa Argamani (25-vjeçe)
Almog Meir Jan (21-vjeçar)
Andrey Kozlov… https://t.co/esM26wCSs2
— Tammy Ziv (@AmbTammyZiv) June 8, 2024
