Dita finale kaloi në shenjë të lojtarëve ndërkombëtar, kurse te femrat suksese të dalluara për kosovaret
Dita finale e turneut “Prishtina Open”, siç është pritur, ishte shumë e ngjeshur sa i përket numrit të madh të ndeshjeve por pati edhe shumë, shumë ndeshje të mira e interesante. Befasi e këndshme ishte prania e shikuesve, të cilët i mbushën shkallët e Palestrës së Pallatit të Rinisë në Prishtinë.
Para dite u luajtën ndeshjet për grup-moshën nën 13 vjeç. Te vajzat, Vlera Beqa nga Kosova e mundi Ana Kokoneshin nga Shqipëria në lojë për vendin e tretë, kurse Kristina Heim në finale e mundi, Bojana Joveskën e Maqedonisë së Veriut.
Te djemtë, vendin e tretë e zuri, Muhamet Mudut, kurse Rejan Krasniqi të katërtin, ndërkaq Matej Batuna nga Sllovakia e fitoi vendin e pare, pasi e mundi maqedonin Markovski me 3:1 në seta.
Te seniorët, lojtaret nga Kosova arritën suksese të dalluara pasi fituan 2 nga katër vendet e para. Shega Hashani luajti në finale, kundër rumunes Andrea Postudor dhe u mund 3:0 në seta, kurse në ndeshjen për vendin e tretë Lene Osmani e mundi gjermanen Krisrina Heim me 3:0 në seta.
Te seniorët pati shumë pjesëmarrës dhe një numër i madh prej tyre ishin nga shtetet tjera. Megjithatë, edhe lojtarët tanë zhvilluan ndeshje të mira dhe u eliminuan me rezultate të ngushta, siç ishte rasti i Rrahman Ademajt nga turku Batuhan Shahin, Milot Makollit nga ukrainasi Naplokov, Fatih Karabaxhaku nga turku Mustafa Atakul etj. Gjysmëfinalet ishin me ngjyra ukrainase dhe turke. Naplokov dhe Chonobaiev u ndeshën në gjysmëfinalen e pare dhe Naplokov fitoi me meritë për të kaluar në finale. Në gjysmëfinalen e lojtarëve turq, më i mire doli Batuhan Uluxhak.
Finalja ishte përplasje ndërmjet shkollës ukrainase të pingpongut që karakterizohet me mënyrën mbrojtëse dhe ajo turke ofansive. Secili lojtar e fitoi nga një set, por pastaj Uluxhak e dominoi ndeshjen dhe fitoi me rezultatin 3:1 në seta.
Organizatori, për fituesit ndau shpërblime në medalje, e kupa si dhe çmime në të holla. Vendi i pare te meshkujt fitoi 1000€, kurse te femrat 700€.
Renditja
U13
Vajzat
1.Krisrina Heim (GER)
2.Bojana Jovevska (NMK)
3.Vlera beqa (KOS)
Djemtë
1.Matej Batuna (SVK)
- Trajqe Markovski (NMK)
3.Muhamet Mudut (KOS)
Seniorët – F
1.Andrea Postudor (RUM)
2.Shega Hashani (KOS)
3.Lene Osmani
Seniorët – M
1.Batuhan Uluxhak (TUR)
2.Oleksey Naplokov (UKR)
Batuhan Shahin (TUR) /Kosovatimes/
