Një vajzë 21-muajshe është hedhur dje në një kuti mace nga kati i tretë i një apartamenti në Altglienicke, Berlin. Shërbimet e urgjencës morën një telefonatë në lidhje me incidentin në orën 13:02 pasdite, kur një dëshmitar zbuloi një kuti nën ballkon nga ku mund të dëgjohej e qara.
Në vendngjarje kanë mbërritur forcat zjarrfikëse, policia dhe emergjenca. Vajza u dërgua me urgjencë në spital. Pavarësisht rënies nga një lartësi prej rreth 11 metrash, jeta e vajzës nuk është në rrezik, por ajo ka thyer duart dhe këmbët, raporton Bild .
Policia përcaktoi me shpejtësi se si u hodh vajza. Në banesë kanë gjetur nënën e saj 41-vjeçare dhe një fëmijë tjetër, i cili është dorëzuar tek autoritetet. Nëna është arrestuar dhe marrë në pyetje mbrëmë. Ekspertët mjeko-ligjorë kaluan orë të tëra duke mbledhur prova në vendin e ngjarjes.
Prokuroria e Shtetit ka kërkuar që nëna të vendoset në një institucion psikiatrik. Zëdhënësja e policisë së Berlinit Anja Dierschke konfirmoi se departamenti i vrasjeve ka marrë përsipër hetimin për rastin. Ajo nuk ka dashur të komentojë sfondin e krimit, duke thënë se hetimet janë në vijim.
