Policia e Zagrebit ka marrë një raport sot rreth orës 14:25 për një burrë që është duke ecur në rrugë në zonën e Susedgradit pa rroba dhe duke dëmtuar vetura me sëpatë.
Më pas burri ka shkuar në adresën e shtëpisë së tij, ku efektivët e policisë e kanë gjetur dhe e kanë dërguar në ambientet zyrtare. Në shtëpi është gjetur një trup. Sipas informacioneve të para, me shumë gjasa bëhet fjalë për një pjesëtar të moshuar të familjes, transmeton Index.
Për momentin nuk është e mundur të përcaktohet shkaku i vdekjes duke marrë parasysh gjendjen e trupit për shkak të pasojave të kalimit të gjatë të kohës.
Grupi hetimor i Departamentit të Policisë së Zagrebit ka dalë në terren. Burri është nën vëzhgimin e policisë. Hetimi penal është në vazhdim.
