Ministri serb i Mbrojtjes Bratislav Gashiq ka biseduar sot me komandantin e Komandës Ajrore të NATO-s dhe komandantin e Forcave Ajrore të SHBA-së në Evropë dhe Afrikë, gjeneral James Hecker, për sigurinë rajonale dhe bashkëpunimin ndërmjet Ushtrisë Serbe dhe Forcave të Armatosura të SHBA-së.
Ministri i Mbrojtjes përcolli se Serbia është një partner i besueshëm në ruajtjen e stabilitetit dhe sigurisë në rajon dhe shtoi se është e vendosur të vazhdojë të përmirësojë nivelin e arritur të bashkëpunimit me SHBA-në në të gjitha fushat me interes të përbashkët me qëllim të forcimit të kapaciteteve dhe të ndërveprimin e Forcave të Armatosura të Serbisë, njoftoi Ministria e Mbrojtjes.Hecker theksoi se ka hapësirë për përmirësimin e bashkëpunimit ndërmjet Forcave të Armatosura të Serbisë dhe Forcave të Armatosura të SHBA-së dhe se përveç bashkëpunimit të zhvilluar dypalësh mes dy vendeve tona, një aspekt i rëndësishëm është mbështetja në operacionet e paqes shumëkombëshe.
