Militantët e armatosur kanë vrarë më shumë se 15 policë dhe disa civilë, duke përfshirë një prift ortodoks, në republikën jugore ruse të Dagestanit, tha sot në mëngjes guvernatori Sergei Melikov.
Sulmuesit qëlluan në dy kisha ortodokse, një sinagogë dhe një postbllok policie në dy qytete, njoftoi Ministria e Punëve të Brendshme të Dagestanit.
Mediat raportuan se kishës dhe sinagogës iu vu zjarri.
Komiteti Kombëtar kundër Terrorizmit i Rusisë i quajti terrorizëm sulmet në rajonin me mbizotërim mysliman.
E hëna, e marta dhe e mërkura u shpallën ditë zie në atë rajon.
Autoritetet kanë njoftuar një operacion kundër terrorizmit në rajon.
Komiteti Anti-Terrorizëm njoftoi se pesë sulmues të armatosur ishin eliminuar. Guvernatori tha se gjashtë banditë u likuiduan.
Askush nuk e ka marrë ende përgjegjësinë për sulmin. Hetimi është në vazhdim.
TASS raporton se një zyrtar lokal u arrestua për shkak të përfshirjes së dyshuar të djalit të tij në sulme.
Melikov në një video fjalim mëngjesin e sotëm tha se situata në rajon tani është nën kontrollin e forcave të sigurisë.
Edhe pse pa prova, ai tha se sulmet mund të jenë përgatitur nga jashtë dhe përmendi një “operacion special ushtarak” në Ukrainë, me sa duket në një përpjekje për të lidhur sulmet me të, shkruan AP.
Dagestan Russia Islamic state terrorists k*lled over 40 Russian soldiers, the allies of the Taliban. among them a general officer and the police chief of the city of Dagestanskie, Mavludin pic.twitter.com/eQngGvfMkQ — Jezzah ⚡️ (@DuckingFromZaps) June 24, 2024 “>
