Ministri i Financave, Punës dhe Transfereve, Hekuran Murati, mburret me disa statistika duke marrë si referencë Trustin e kursimeve sa i përket punësimit.
Murati ka thënë se numri i llogarive aktive në vitin 2023 ka qenë 442 mijë e 383. Krahasuar me vitin 2022, figuron se numri i llogarive është rritur për rreth 13 mijë e 500. Por Murati nuk tregoi se sa ka qenë numri i punonjësve që kanë mbushur stazhin e pensionimit që janë zëvendësuar me punonjës të rinj.
Nëse marrim indikatorët real të gjendjes ekonomike në Kosovës atëherë pasqyra më e mirë është norma e kredive në bankat komerciale gjatë muajit maj të këtij viti. Asetet e bankave komerciale në fund të muajit maj 2024 kanë arritur vlerën në 7.40 miliardë euro, duke shënuar rritje për 0.25% krahasuar me muajin paraprak, kryesisht për shkak të rritjes së kredive bruto, të cilat në fund të muajit maj kanë arritur vlerën në 5.22 miliardë euro. Krahasuar me muajin paraprak kreditë bruto në maj 2024 janë rritur për 80.99 milionë euro ose 1.58 për qind.
Këto rritje bëhen zakonisht me kërkesën e lartë të kredive. Vlera e kredive të reja në muajin maj 2024 ishte 232.94 milionë euro!.
Norma mesatare e interesit në kredi në muajin maj 2024 ishte 6.14% (në prill 2024 ka qenë 6.07%). Këto shifra janë pasqyra më e mirë ku është katandisur ekonomia e Kosovës.
Mjafton një blic qëndrimi në cilin do market të madh për të parë se sa qytetarët përdorin kartele kreditin për gjëra elementare për të parë gjendjen reale ekonomike. /Kosovatimes/
