By using this site, you agree to the Privacy Policy and Terms of Use.
Accept
Kosova TimesKosova Times
Notification Show More
Latest News
“Bundestagu nuk mund të frikësohet”: Kryetari i Parlamentit gjerman iu përgjigj Volodinit 9 minuta më parë
June 9, 2025
Filloi shkëmbimi i të burgosurve të luftës midis Rusisë dhe Ukrainës
June 9, 2025
Fabrika e Komponentëve të Dronëve Shahed 1,000 km brenda Rusisë e goditur nga sulmi ukrainas
June 9, 2025
Rexhepi: Kompromisi është zgjidhja më e mirë
June 9, 2025
Migracioni ilegal dhe sovraniteti i Kosovës
June 9, 2025
Aa
  • Ballina
  • Politikë
    • Lajme
    • Tema
    • Gjeopolitikë
    • Opinion
  • Rajon / Botë
  • Ekonomi
    • Lajme
    • Tema
    • Financa
    • Turizëm
    • Bujqësi
  • Kulturë
    • Lajme
    • ShowBiz
    • Moda
  • Shëndetësi
  • Sport
  • Hi-tech
    • Teknologji
    • Shkencë
Reading: Begaj: Shqipëria e frymëzuar nga parimet amerikane të lirisë dhe demokracisë
Share
Aa
Kosova TimesKosova Times
Search
  • Home
    • Home News
    • Home 2
    • Home 3
    • Home 4
    • Home 5
  • Categories
  • Bookmarks
    • Customize Interests
    • My Bookmarks
  • More Foxiz
    • Blog Index
    • Sitemap
Have an existing account? Sign In
Follow US
Kosova Times > Blog > Ballina 2 > Begaj: Shqipëria e frymëzuar nga parimet amerikane të lirisë dhe demokracisë
Ballina 2Rajon / Botë

Begaj: Shqipëria e frymëzuar nga parimet amerikane të lirisë dhe demokracisë

Kosova Times
Last updated: 2024/06/27 at 11:09 PM
Kosova Times Published June 27, 2024
Share
SHARE

Presidenti i Republikës, Bajram Begaj, mori pjesë sot në pritjen me rastin e Ditës së Pavarësisë të ShBA-së.

Në fjalën e tij Begaj u shpreh se, “kjo datë qëndron në historinë e njerëzimit si monument i përkujtimit dhe nderimit të vlerave të lirisë, demokracisë dhe dinjitetit njerëzor. Në vitin 1776, themeluesit e Shteteve të Bashkuara të Amerikës bënë një deklaratë të guximshme: “Të gjithë njerëzit janë krijuar të barabartë, kanë të drejta të patjetërsueshme si jeta, liria dhe kërkimi i lumturisë””.

Begaj theksoi se, Shqipëria është frymëzuar thellësisht nga parimet amerikane të lirisë dhe demokracisë.

“Marrëdhënia midis Shqipërisë dhe Shteteve të Bashkuara është dëshmi e fuqisë së qëndrueshme të këtyre parimeve dhe e ndikimit të thellë që ato kanë në përcaktimin e fatit të një kombi, kombit tonë”, tha Begaj.

Kreu i Shtetit nënvizoi se, miqësia historike midis dy popujve tanë mbështetet te respekti i ndërsjellë, vlerat dhe angazhimet e përbashkëta për paqe e prosperitet.

“Shqiptarët kanë ditur ndër shekuj të ruajnë të pandryshuar kodin e tyre të shenjtë të miqësisë, mirënjohjes dhe të besës me mikun. Shqiptarët nuk i harrojnë kurrë ata që i kanë ndihmuar, u janë ndodhur pranë e u kanë dhënë dorën në ditë të vështira”, theksoi Begaj.

“Shtetet e Bashkuara ishin pranë nesh në fillim të shekullit të 20-të, kur Shqipëria po kërkonte të bëhej “në vehte, e lirë dhe e mosvarme”. Presidenti Wilson ishte avokati më i fortë i të drejtës së shqiptarëve për vetëvendosje dhe ruajtjes nga copëtimi. Qëndrimi i tij ishte jetik për shtetin shqiptar. Kjo mbështetje dhe miqësi nuk përfundoi këtu. Pas gjysmë shekulli izolim, Amerika erdhi e para për të na mbështetur, udhëzuar e ndihmuar në ngritjen e një sistemi të ri, të lirë, demokratik e pluralist”, u shpreh Begaj.

“Amerika ishte sërish aty, pranë shqiptarëve, në pranverën e 1999-s. NATO, e udhëhequr nga Shtetet e Bashkuara, ndaloi gjenocidin serb dhe i hapi rrugë krijimit të shtetit të dytë shqiptar, Republikës së Kosovës. Ndërhyrja e Shteteve të Bashkuara ishte jetike për çlirimin e Kosovës. Ky veprim vendimtar solli jo vetëm paqe në rajon, por përforcoi edhe parimet e drejtësisë dhe të drejtave të njeriut”, shtoi Begaj.

Kreu i Shtetit u shpreh më tej se, Shtetet e Bashkuara kanë mbështetur fuqimisht anëtarësimin e Shqipërisë në NATO dhe procesin drejt integrimit në Bashkimin Evropian.

“Kjo mbështetje ka qenë thelbësore në forcimin e institucioneve demokratike e shtetit ligjor, promovimin e zhvillimit ekonomik dhe forcimin e sigurisë sonë. Një nga kontributet më të rëndësishme të Shteteve të Bashkuara në Shqipëri mbetet reforma në drejtësi, thelbësore për shëndetin e demokracisë sonë  dhe rrugën për integrimin në Bashkimin Evropian”, tha Begaj.

“Shqipëria është një vend që, nën dritën e së shkuarës, përpiqet të analizojë me pjekuri të tashmen, për t’u orientuar më mirë në të ardhmen e saj. Shqipëria mbetet thellësisht e përkushtuar për të forcuar me shtysa të reja dhe rezultate konkrete partneritetin tonë strategjik, nga koordinimi i ngushtë politik, në forcimin e shtetit të së drejtës, në zgjerimin e lidhjeve tona tregtare dhe investimet e dyanshme, në forcimin e bashkëpunimit të sigurisë dhe mbrojtjes, si edhe në intensifikimin e shkëmbimeve arsimore e kulturore”, tha Begaj.

Begaj nënvizoi se, “sot, në një botë të mbushur me pasiguri dhe sfida, marrëdhënia midis Shqipërisë dhe Shteteve të Bashkuara mbetet më e rëndësishme se kurrë. Peizazhi global karakterizohet nga një mori krizash, lufta në Ukrainë dhe situata në Lindjen e Mesme, tensione gjeopolitike, paqëndrueshmëri ekonomike dhe kërcënime ndaj lirisë, demokracisë e të drejtave të njeriut. Në një botë kaq të paqëndrueshme, partneriteti ynë strategjik shërben si një shtyllë force dhe siguri e përbashkët”.

“Vizita e fundit e Sekretarit të Shtetit, Antony Blinken në Tiranë ishte dëshmi e forcës së këtij partneriteti”, tha Begaj.

“Sekretari i Shtetit ritheksoi rëndësinë e marrëdhënieve tona përballë ndryshimeve gjeopolitike e ri nënvizoi rolin e Shqipërisë si një partner kyç për stabilitetin në Ballkanin Perëndimor.  Shqiptarët e çmojnë miqësinë me popullin amerikan. Në qendër të kësaj miqësie është komuniteti i hershëm dhe i ri shqiptar në Amerikë, Diaspora jonë”, theksoi Begaj.

“Në këtë ditë të veçantë ne ju bashkohemi në përkujtimin e historisë suaj të pasur dhe parimeve tuaja të qëndrueshme. Le të nderojmë miqësinë midis Shqipërisë dhe Shteteve të Bashkuara të Amerikës, një miqësime rrënjë të forta në vlera dhe vizion të përbashkët për një botë të drejtë dhe paqësore. Gëzuar Ditën e Pavarësisë!”, përfundoi fjalën e tij presidenti i Republikës, Bajram Begaj.

You Might Also Like

“Bundestagu nuk mund të frikësohet”: Kryetari i Parlamentit gjerman iu përgjigj Volodinit 9 minuta më parë

Filloi shkëmbimi i të burgosurve të luftës midis Rusisë dhe Ukrainës

Fabrika e Komponentëve të Dronëve Shahed 1,000 km brenda Rusisë e goditur nga sulmi ukrainas

Sulmet ruse ndaj Evropës – agjentë, sabotime, vrasje…

Regjimi serb përballet me shantazhin rus të gazit

TAGGED: #Bajram Begaj, #Dita e Pavarësisë, #ShBA
Kosova Times June 27, 2024
Share this Article
Facebook Twitter Email Print
Leave a comment

Leave a Reply

Your email address will not be published. Required fields are marked *

Follow US

Find US on Social Medias
Facebook Like
Twitter Follow
Youtube Subscribe
Telegram Follow

Weekly Newsletter

Subscribe to our newsletter to get our newest articles instantly!

[mc4wp_form]
Popular News
Financa

Kurti e lavdëron Fondin Sovran: Është projekti më i madh ekonomik ndonjëherë në vend

Kosova Times Kosova Times May 18, 2023
Trump do të bëjë gjithçka për të sfiduar zgjedhjet. Avokatët e shtetit bëjnë thirrje për një transferim paqësor të pushtetit
Një shtetas hungarez është arrestuar në ShBA në lidhje me blerjen e pajisjeve për Rusinë
Bislimi: Mërgata mbetet pjesë kyçe për zhvillim konstant e të qëndrueshëm
Kuvendi vlerësohet si institucioni më transparent dhe llogaridhënës
- Advertisement -
Ad imageAd image
Global Coronavirus Cases

Confirmed

0

Death

0

More Information:Covid-19 Statistics

Kategoritë

  • Politikë
  • Rajon / Botë
  • Ekonomi
  • Kulturë
  • Shëndetësi
  • Sport
  • Hi - tech

About US

Kosova Times We influence 20 million users and is the number one business and technology news network on the planet.

Subscribe US

Subscribe to our newsletter to get our newest articles instantly!

[mc4wp_form]

© Kosova Times. All Rights Reserved.

Removed from reading list

Undo
Welcome Back!

Sign in to your account

Lost your password?