Presidenti i Serbisë, Aleksandar Vuçiq, në rrjetin social Instagram ka uruar qytetarët e Serbisë për Vidovdan nga tarraca e presidencës me një citim të Borislav Pekiqit se Serbia nuk është vetëm “tokë e të parëve tanë por edhe e fëmijëve tanë”.
Vuçiq uroi “ditën më të rëndësishme për ne serbët” dhe tha se, megjithëse zakonisht flasim për të kaluarën në Vidovdan dhe për atë që kanë bërë gjeneratat e mëparshme, ai dëshiron të tregojë rëndësinë e së ardhmes.
“Kam ardhur sot në tarracën këtu për të treguar në mënyrë simbolike se sa e rëndësishme është e ardhmja”, tha Vuçiq.
Duke cituar Borislav Pekiqin – “Jo vetëm toka e të parëve tanë, por toka e fëmijëve tanë” – ai shpjegoi se kur është në vështirësi, shpesh del në tarracën e presidencës.
“Unë shikoj se çfarë bëmë, si ngritëm një qytet të tërë – Beogradin në ujë , si ndryshuam Serbinë, si e ndryshuam frymën e humbjes në frymën e fitores me të njëjtën dëshirë, ambicie dhe synim për të ndryshuar Serbinë për më mirë”, tha Vuçiq.
