Më 19 qershor, me ceremoni solemne, në fshatin Rashincë të Komunës së Shtimes është përuruar Observatori dhe Planetariumi i parë Kombëtar, ndërtimi i të cilit kushtoi mbi 300 mijë euro dhe po konsiderohet si ndër projektet më të rëndësishëm për kërkime shkencore në fushën e astronomisë.
Madhështitë dhe bukuritë e universit, do të jenë më afër syrit tonë. Kjo falë Observatorit dhe Planetariumit të parë Kombëtar në Kosovës, i vendosur në fshatin Rashinicë të komunës së Shtimes.
“Ky është eleskop brenda Observatorit, i cili do të ofrojë mundësi të shkëlqyera për nxënës, student si dhe studiues në fushën e astronomisë, ku do të ndihmoj në edukimin dhe eksplorimin e hapësirës qiellore”
Ndër kontribuuesit e këtij projekti është edhe profesori i astronomisë, Milaim Rushiti, i cili dha tokën për ndërtimin e tij.
“Arsya pse jemi këtu janë dy, jo vetëm që e kemi lëshu tokën por edhe që duhet të jetë sa më larg qytetit dhe dritave. Paisjet optike janë donacion nga ShBA, nga organoziatat e ndryshme astronomike”, tha Milaim Rushiti, professor i astronomisë, drejtor i organizatës ‘Astronomy Outreach of Kosoovo’.
Kryetari i Komunës së Shtimes, Qemajl Aliu, tha se përmes këtij projekti, kjo komunë do të shndërrohet në një atraksion shkencor turistik.
“Një objekt që është i veçantë dhe i vetmi në Republikën e Kosovës. Madje atje ka teleskop për vrojtimin e diellit që është i madhi në Evropën Lindore. Jo vetëm fëmijët por të gjithë apasionuarit e shkencës nga e gjithë Kosova, mund të vijnë dhe ato që i kemi mësuar nëpër libra mund t’i shohin sot”, tha Aliu.
Realizimi i projektit është bashkëfinancuar nga MAShTI dhe Komuna e Shtimes.
Në Observatorin dhe Planetariumin qytetarët do të mund të bëjnë vrojtimin e diellit me teleskop, shfaqje shkencore në planetarium si dhe vrojtimin e qiellit gjatë natës.
