Presidenti i SHBA-së, Joseph Biden, ka telefonuar sot kryeministrin e ri britanik, Keir Starmer, për ta uruar për fitoren e Partisë Laburiste në zgjedhjet parlamentare, njoftoi Shtëpia e Bardhë.
“Udhëheqësit riafirmuan marrëdhëniet e veçanta midis vendeve tona dhe rëndësinë e punës së bashku për të mbështetur lirinë dhe demokracinë në mbarë botën”, tha Shtëpia e Bardhë në një deklaratë, raportoi Reuters.
Biden tha se ai priste të punonte ngushtë me Starmer për çështje kyçe, duke përfshirë “mbështetje për Ukrainën kundër Rusisë” dhe Marrëveshjen e së Premtes së Mirë, si dhe të punojë me udhëheqësit e Irlandës së Veriut për rritjen dhe mundësitë ekonomike.
