Helmi qe shkrin lëkurën dhe gjobat e rënda nuk i pengojnë gjuetarët që të vizitojnë ishullin dhe të kapin gjahun e tyre për ta shitur në tregun e zi…
Queimada Grande ose ishulli i gjarpërinjve është një nga vendet më të rrezikshme në botë, dhe ndodhet afër Sao Paolos.
Gjarpri i artë ( Bothrops insularis ) është banori kryesor i ishullit. Zakonisht është midis 70 dhe 90 centimetra dhe një pickim i tij mund të shkaktojë dështim të veshkave, nekrozë të indeve të muskujve, gjakderdhje të zorrëve dhe përfundimisht vdekje. Helmi i gjarprit të artë thuhet se shpërndan indin e njeriut.
Deri në katër mijë gjarpërinj jetojnë në ishullin prej 430,000 metrash katrorë . Meqenëse ishulli ka qenë i pabanuar që nga viti 1920, këta grabitqarë kryesisht gjuajnë zogj. Gjarpërinjtë e artë janë përshtatur dhe kanë mësuar të zvarriten sipër pemëve për t’u ngjitur vjedhurazi mbi zogjtë që zbarkojnë në majat e pemëve.
Qeveria braziliane dënon të gjitha ekspeditat në ishullin e gjarpërinjve dhe gjuetarët që arrijnë të zbresin të pazbuluar gjuajnë gjarpërinjtë dhe i shesin në tregun e zi për disa mijëra dollarë secili. Vetëm shkencëtarët dhe marina braziliane lejohen të vijnë në ishull.
Ekspertët mjekësorë besojnë se helmi i gjarprit të artë mund të përdoret për qëllime farmaceutike për të ndihmuar në trajtimin e sëmundjeve të zemrës, mpiksjen e gjakut apo edhe si një kurë për kancerin.
Sipas legjendës, ishulli ende strehon thesarin e një eksploruesi britanik nga shekulli i 16-të. Sir Thomas Cavendish thuhet se e kishte fshehur atje plaçkën e tij – thesarin e inkasve.
