Spitali i fëmijëve Ohmatdit i Kievit ishte në funksion për më shumë se një shekull përpara se një raketë ruse të godiste një ndërtesë brenda kampusit të tij, më 8 korrik. /rel/
Një raketë lundruese ruse goditi ndërtesën e Departamentit të Toksikologjisë më 8 korrik.
Objekti që u shndërrua në spitalin e fëmijëve Ohmatdit në Kiev, u krijua më 1894 dhe më pas, nën sundimin sovjetik, u zgjerua. Sot, ai është objekti më i madh dhe më i avancuar pediatrik i Ukrainës. Emri i spitalit është formuar si shkrirje e fjalëve ukrainase për “maternitet” dhe “fëmijë”.
Lukyanchuk ishte nga rajoni perëndimor i Lvivit dhe ia kushtoi jetën e saj ndihmës së fëmijëve pasi humbi prindërit e saj në moshë të re dhe u rrit në një jetimore. Një burrë që po vizitonte spitalin në momentin e sulmit u vra gjithashtu nga shpërthimi dhe dhjetëra njerëz, përfshirë fëmijë, u plagosën.
Që nga ditët e nisjes së pushtimit rus në shkallë të plotë më 2022, spitali i Kievit dhe stafi i tij kanë ofruar një mjedis të sigurt për fëmijët, jeta e të cilëve u përmbys nga lufta.
Në janar 2024, Sashko ishte duke ecur pranë një dyqani në rajonin e Harkivit me kushërirën e tij Alinën, kur aty pranë shpërtheu një predhë. Shpërthimi i preu këmbën djalit dhe e plagosi rëndë Alinën, e cila vdiq pas 10 ditësh në mjekim intensiv.
Copëzat e raketës plagosën rëndë këmbët e Milanës. Në shtratin e saj të spitalit ajo vizatonte dhe i shkruante mesazhe “mamasë sime në qiell”, siç kjo që shihet në këtë foto.
Ndërsa Kira po përpiqej të ikte nga Mariupoli me të dashurën e babait të saj të ndjerë dhe disa fqinjë, një anëtar i grupit shkeli në një minë, me ç’rast Kira u plagos. Ajo u dërgua në një spital në Donjeckun e kontrolluar nga Rusia. Gjyshi i vajzës më vonë udhëtoi nëpër Rusi për ta kërkuar Kiran dhe për ta kthyer në Ukrainë. Derisa po trajtohej në Ohmatdit, atë e vizitoi presidenti ukrainas, Volodymyr Zelensky.
Kremlini pretendon se një raketë e mbrojtjes ajrore ukrainase ishte fajtore për shpërthimin në mjediset e spitalit, por imazhet e kapura të predhës tregojnë siluetën dalluese të një rakete lundruese të llojit Kh-101, një armë e përdorur ekskluzivisht nga ushtria ruse. Autoritetet ukrainase pretendojnë se raketa goditi “objektivin e saktë për të cilin ishte programuar” mes valës së sulmeve ruse në të gjithë Ukrainën atë ditë.
