Agjencia e Statistikave të Kosovës ka publikuar sot numri e popullsisë së Kosovë i cili arrin shifrën prej 1,589,659 banorë. Në treshen e parë të komunave për nga numri i popullsisë është Komuna e Ferizajt me 109,345 banorë.
Agim Aliu, kryetari i Komunës së Ferizajt, përmes një postimi në faqen e tij zyrtare në Facebook, është shprehur se rritja e popullsisë dëshmon se ky qytet është zgjedhje për jetesë e familjeve dhe mundësi për biznese.
“Ferizaj, po ashtu bën pjesë në mesin e pak Komunave të Kosovës, me rritje të popullsisë, tregues ky që dëshmon se çdo ditë e më shumë, qyteti ynë është zgjedhje për jetesë e familjeve të shumta dhe mundësi për biznes”, shkruan ai.
Rikujtojmë që nga 38 komuna të Kosovës, 9 prej tyre kishin rritje të popullsisë, ndërsa 29 të tjera kishin zvogëlim të numrit të popullsisë. /Kosovatimes/
