I ashtuquajturi “projekti i Star Wars” i Koresë së Jugut po ecën përpara. Këtë vit, Koreja e Jugut do të jetë vendi i parë në botë që do të përdorë armë laser në ushtri. Është një masë kundër “provokimeve me dron” nga Koreja e Veriut.
Programi laser i Koresë së Jugut, i njohur si “Projekti i Luftërave të Yjeve”, ka zhvilluar me sukses një armë të re lazer. Këtë e bën të ditur agjencia e armëve koreano-jugore Dapa, transmeton AP.
Modeli quhet ‘Block-I’ dhe thuhet se është në gjendje të rrëzojë dronët e vegjël – për 1,50 dollarë për një goditje.
Të paktën një sistem laser duhet të përdoret nga ushtria para fillimit të vitit. Plani është që të vendosen më shumë në vitet e ardhshme.
