Në një sulm nga një dron ukrainas në qytetin kufitar në rajonin rus të Belgorodit, pesë fëmijë u plagosën, dy prej tyre në gjendje të rëndë, njoftoi guvernatori i rajonit.
Gladkov tha gjithashtu se tre civilë u plagosën në një tjetër sulm ukrainas në Shebekino.
Zaharova: Është një sulm terrorist ndaj fëmijëve
“Në qytetin Šebekino, një mjet shpërthyes u hodh qëllimisht nga një dron në oborrin e një ndërtese shumëkatëshe”, shkroi Vyacheslav Gladkov në Telegram, transmeton Reuters.
Pesë fëmijë që ndodheshin në këndin e lojërave kanë pësuar lëndime të ndryshme, ndërsa dy janë dërguar në spitalin rajonal të fëmijëve në gjendje të rëndë.
Zëdhënësja e Ministrisë së Jashtme ruse Maria Zakharova, duke shkruar gjithashtu në Telegram, e përshkroi incidentin si një “sulm të qëllimshëm terrorist ndaj fëmijëve” dhe bëri thirrje për dënim ndërkombëtar.
Ngjarja ndodhi tre ditë pasi sulmi rus në Kiev vrau 47 persona dhe spitali i fëmijëve atje pësoi një shkatërrim të madh.
