Temperaturat e larta të dobishme për kulturën e grurit

Krahas temperaturave të larta, faza e korrje shirjeve është në fazën e përfundimit me sukses. Fermeri Avdi Biringjiku ka të mbjellë 35 hektarë me grurë ndërsa thotë se temperaturat e larta ishin të dobishme për këtë kulturë, si në sasi edhe cilësi.

“Gruri me rendimente më të mira për kushte klimatike si ka marrë moti nuk ka qenë kështu, mesatarja ashtu si ma merr mendja mua për hektar është rreth 5 mijë kg për hektar.  Jemi duke u munduar në maksimum që sa më shpejt me shti bukën brenda e do zoti nuk bien shi apo breshër, se kushte me rendiment moti nuk janë kanë kështu”, ka thënë Biringjiku.

Agronomja Jehona Birixhiku, thotë se kjo sezon, për dallim nga vitet tjera, ishe i begatë falë kushteve klimatike, por edhe punës së bujqve. Sipas saj, temperaturat e larta të këtyre ditëve, janë të volitshme për drithërat.

“Ndoshta këtu kanë qenë edhe kushtet atmosferike, që kanë qenë në favorin tonë gjithashtu  mbjelljet kanë qenë në kohë optimale, kështu që na kemi pas një fat të mirë”, ka thënë Birixhiku.

Profesori universitar Imer Rusinovci thotë se situata klimatike ashtu siç ishte e dobishme në fazat e zhvillimit të grurit, gjithashtu duhet të shfrytëzohet maksimalisht për korrjen e grurit dhe vendosjen e  tij në hambarë.

“Dashtë Zoti që të mbretëroj koha edhe pesë apo gjashtë ditë e kështu në kontiunitet dhe me mekanizmin të sofistikuar të përfundoj këto katër pesë ditë, një gjë duhet ta dini që korrje shirjet ishin për dy tre javë më herët na ndihmoi Zoti na ndihmuan kushtet klimatike sepse në qershor filloi vala e nxehtë e cila vjet e përgjysmoi prodhimin e grurit”, ka thënë Rusinovci.

Shfrytëzimi i kushteve klimatike për korrje shirje të grurit prioritizohet nga fermer në mënyrë që me kohën të mbyllet ky proces. Kjo, para ndryshimit të klimës dhe ardhjes së shiut eventual, i cili pastaj është i nevojshëm për kultura të tjera bujqësore siç është misri.