Në Prishtinë u zhvilluan garat e Kupës së Kosovës për junior grup-mosha U15 për meshkuj. Në çerekfinale u takuan Pripingu dhe Prishtina, ku fitore shënoi Prishtina me 3:0, kurse Gani Maloku e mundi 3:0 ekipin e TTC Ferizaj.
Në ndeshjet gjysmëfinale, Ahmet Hoxha MK ishte më e mirë se Prishtina (3:0), kurse KVPP Prizreni më i mirë se Gani Maloku (3:0).
Në ndeshjen për vendin e tretë, fituese doli Prishtina e cila e mundi Gani Malokun me 3:0.
Në ndeshjen finale u prit lojë më e fortë ndërmjet KVPP Prizreni dhe Ahmet Hoxha MK, por rezultati 3:0, në të mirë të ferizajasve (në përbërje: Amant Sejdiu, Olti Behluli dhe Albes Behluli), tregon për fitore të pastër të tyre dhe me meritë e ngritën trofeun e fituesit. /Kosovatimes/
