GREQIA urdhëroi sot disa punëdhënës të pezullojnë punën e punonjësve të tyre në punët e rënda në natyrë këtë javë, në orët e pasdites kur i gjithë vendi është përvëlues nga temperaturat e larta. Punonjësit e ndërtimit, shpërndarësit e ushqimit dhe ndërtuesit e anijeve janë ndër punëtorët që nuk do të lejohen të punojnë nga mesdita deri në orën 17:00 nga sot deri të premten, pasi merkuri në termometra pritet të arrijë në 42 dhe 43 gradë Celsius në disa pjesë të vendit.
Kryqi i Kuq hapi një njësi të lëvizshme për të ndihmuar kalimtarët që shemben për shkak të vapës
Greqia është përballur me valë të nxehti që prej qershorit dhe tashmë kanë shpërthyer disa zjarre në pyje për shkak të temperaturave të larta dhe erës. Pjesa më e madhe e Greqisë është pa shi për muaj të tërë, ose me shumë pak reshje. Ishujt grekë, të cilët tërheqin miliona turistë gjatë verës, po përballen me mungesë uji. Meteorologët nuk presin ulje të ndjeshme të temperaturave deri në fund të muajit.
Në sheshin e famshëm Sintagma, në qendër të Athinës, Kryqi i Kuq ka hapur një njësi të përkohshme, të lëvizshme për të ndihmuar kalimtarët që shemben për shkak të vapës. Të paktën gjashtë turistë, përfshirë prezantuesin e famshëm britanik, Michael Mosley, vdiqën javën e kaluar si pasojë e të nxehtit ekstrem Shumë zona të botës, nga SHBA deri në Indi, janë prekur nga temperaturat ekstreme të verës.
