Grotta della poesia është e mbushur me ujë të kripur deti me një ngjyrë të bukur blu që tërheq kryesisht popullsinë vendase…
Grotta della poesia , ose në përkthim nga italishtja Shpella e Poezisë, konsiderohet si një nga pishinat më të bukura natyrore në botë. Është një humnerë në formë veze rreth 30 metra e gjerë në shkëmbinjtë e fshatit italian Roca Vecchia në bregun e Adriatikut, midis qyteteve Lecce dhe Otranto.
Legjenda thotë se një princeshë e bukur lahej dikur në këtë vend magjik buzë Çizmes italiane , së cilës poetët i kushtuan vargjet e tyre më të bukura, kështu e mori emrin kjo pishinë natyrore.
Grotta della poesia është e mbushur me ujë të kripur deti me një ngjyrë të bukur blu që tërheq kryesisht italianët. Deri vonë, banorët vendas shkonin atje për t’u freskuar gjatë verës, për të kërcyer nga shkëmbinjtë pesë metra të lartë dhe për t’u zhytur në një mjedis mahnitës. Ndërkohë është vendosur ndalimi i larjes, që nuk do të thotë se nuk mund ta admirosh nga lartësia.
