Disa të qytetarë me automjete të shtrenjta kanë bërë gara të shpejtësisë në Autostradën “Ibrahim Rugova”, në kundërshtim me rregullat dhe ligjet e trafikut. Policia sipas njoftimit për media, ka identifikuar disa prej tyre të cilat i ka gjobitur me nga 400 euro dhe ua ka ndaluar patentë-shoferin për 10 muaj.
“Njësia për Kontroll të Autostradave në kuadër të planit “Parandalimi i garave ilegale të shpejtësisë në autostrada” ka identifikuar shoferët duke bërë gara ilegale të shpejtësisë, të njëjtit janë gjobitur me nga 400 € dhe nga 10 muaj iu është ndaluar drejtimi i mjetit me veprim motorik si dhe janë larguar nga trafiku”, thuhet në njoftim.
Kujtojmë se muaj më parë, nga garat me automjete tre qytetarë kanë humbur jetën. Ngjarja ka ndodhur kur njëri nga drejtuesit e makinës humb kontrollin duke goditur disa persona të cilët po qëndronin pranë autostradës.