Prokuroria Speciale e Republikës së Kosovës, ka njoftuar se me autorizim të Prokurorisë Speciale është intervistuar ministrja e Drejtësisë, Albulena Haxhiu.
Ajo është intervistuar me qëllim të sqarimit të deklaratës së saj të dhënë në mediumin TV Dukagjini, në emisionin “Debat Plus” më datë 2 korrik 2024, lidhur me takimet dhe diskutimet e mundshme me prokurorë dhe gjyqtarë për raste të caktuara, si dhe postimin e saj në rrjetin social Facebook të datës 20 korrik 2024, lidhur arratisjet që kanë ndodhur nga burgjet e Kosovës.
“Intervistimi i të njëjtës për sqarim të këtyre çështjeve do të vazhdojë edhe nesër”, tha në njoftimin e saj Prokuroria Speciale. /Kosovatimes/
