Arta Tahiri-Beqa, njohëse e zhvillimeve politike, në ‘InfoPlus’ ka folur për vendimin e ministrave të Jashtëm të Këshillit të BE-së lidhur me liberalizimin vizave të qytetareve serbë të Kosovës, të cilët posedojnë pasaporta të Serbisë.
Tahiri-Beqa, tha se vendimi është rast precedent që do të krijojë probleme të vazhdueshme, që do ta thellojë edhe më shumë hendekun në dialogun mes Kosovës e Serbisë.
“Në qoftë se shohim konkretisht, do të procedohen në dëm të këtij dialogu dhe të rrisë apetitet e shteti serb karshi interesave që ajo ka ndaj Kosovës”, deklaroi Tahiri-Beqa për RTK.
Ajo sqaroi se komuniteti serb, i cili jeton në Kosovë, duhet të pajisen me pasaporta të shtetit ku jeton, pra, sipas saj, dokument udhëtimi që duhet të njihen nga të gjitha shtetet e BE-së.
Vendimi i BE-së për liberalizmin e vizave të komunitetit serb në Kosovë, të cilët posedojnë pasaporta të Serbisë, sipas politikologës Tahiri-Beqa, ligjërisht është i dëmshëm.
“Ligjërisht një gjë e tillë është e dëmshme, sepse po cenohet në fakt integriteti i institucioneve të Republikës së Kosovës, në këtë rast i Ministrisë, e cila bën lëshime të këtyre të dokumentacioneve për të gjithë qytetarët, pa dallim të Kosovës”, ka theksuar Tahiri-Beqa.
