Me 106 vota pro, 2 kundër dhe asnjë abstenim deputetët në Kuvend votuan ndryshimet në Kodin Zgjedhor që u dakordësua mes PS dhe PD duke i hapur rrugë votës së diasporës.
Po ashtu listat do të jenë të hapura në 2/3 e tyre dhe 1/3 të mbyllura.
Kanë qene dy deputetet e opozitës, Dashnor Sula dhe Enkelejd Alibeaj që nuk kanë dhënë pëlqimin e tyre për ndryshimet që u dakordësuan mes PS dhe PD.
Konsensusi i arritur pak ditë më parë ndërmjet PS-së dhe PD-së është konkretizuar edhe me vota në seancën plenare duke miratuar me konsensus në Kuvend, ndryshimet në Kodin Zgjedhor.
Me 105 vota pro, 8 kundër dhe asnjë abstenim, PD dhe PS i qëndruan dakordësisë së shprehur në Komisionin e Ligjeve të mërkurën. Si çdo nismë, ligj dhe reformë, jo të gjitha palët i la të kënaqura. Reforma u kontestua nga një pjesë e deputetëve të opozitës.
Në zgjedhjet e përgjithshme të vitit 2025, shqiptarët do të votojnë me një kod të ndryshuar zgjedhor, ku do i jepet mundësi për herë të parë shqiptarëve që jetojnë jashtë duke u bërë pjesë në zgjedhjes të përfaqësuesve në parlament.
Deputetët që votuan kundër ndryshimeve të Reformës Zgjedhore e shprehën Basha, Alibeaj, Sula, Duka, Mediu, Shehi, Jakupllari dhe Bakiu.
Lulzim Basha, Famir Mediu, Dashamir Shehi, Bujar Leskaj, Dashnor Sula, Enkelejd Alibeaj e Kreshnik Çollaku ishin ndër zërat kritikë. Mes tyre kishte edhe nga ata që e quajtën pazar mes mazhorancës dhe opozitës Kodin e Ri Zgjedhor.
