Familja e Xhevdet Visokës në lagjen Ulpiana të Prishtinës ka një problem me fqinjin, për shkak të vendosjes së një strehe të llamarinës, që po ia bën të pamundur shfrytëzimin e tarracës.
Inspektorati e ka të njohur problemin, por ende nuk ka ndërhyrë. Ai thotë se vendosja e kësaj tarrace nga fqinji ka bërë që shumë mbeturina të grumbullohen aty.
“Nuk kemi pse dalim në tarracën tonë, aq aromë e pa këndshme që është. Tash kemi edhe fëmijë, ata dalin në tarracë munden me marrë infektim. Na jem të detyruar veç me leshu banesën tonë apo për me bo ndonjë zgjidhje. Jemi anku në inspektorat, pesë herë kemi bë ankesa, kanë dalë në vendngjarje, tash dalin pas 5 ose 6 muajve, herën e fundit s’kemi marrë kurrfarë përgjigje. Kur kam shkuar me marrë vendimin, thotë që tarraca është larguar, tarraca nuk është largu është ende këtu”, ka thënë Visoka.
Por fqinji i tij Sezer Bajrami tregoi arsyet rreth kësaj situate.
“Tarraca ka qenë e vendosur, unë nuk e kam ditë këtë rast kur ka ardhur prej inspektoratit diçka kam shkuar te pronari që e kam ble banesën, ai ka thane që kemi leje, me vazhdime. Na kemi aplikuar dhe është vazhduar veç s’fundi herë kur kemi apliku na kanë vazhduar. Nuk kemi pas prej komunës ndonjë lajmërim me largu atë strehë se krejtë banorë kanë strehë edhe pa leje, ky bile e ka me leje”, ka thënë Bajrami.
Ndërkaq, nga Inspektorati i Komunës së Prishtinës thanë se ky rast është duke u trajtuar dhe se Komuna pritet ta marrë një vendim për rastet e tilla në kryeqytet.
Xhevdet Visoka thotë se vendosja e tarracës nga fqinji ka bërë që shumë mbeturina të grumbullohen aty.
