Një udhëheqës i HAMAS-it në Bregun Perëndimor ka vdekur në paraburgimin izraelit pasi shëndeti i tij u përkeqësua, njoftoi Autoriteti Palestinez herët në mëngjes.
Mustafa Muhamad Abu Ara, 63 vjeç, vdiq pasi u transferua në një spital nga burgu Ramon në jug të Izraelit, tha në një deklaratë Autoriteti Palestinez për Çështjet e të Burgosurve.
I arrestuar në tetor, palestinezët pretendojnë se ai u torturua
“Para arrestimit, ai vuante nga probleme të rënda shëndetësore dhe kërkonte monitorim intensiv mjekësor. Megjithatë, që nga momenti i arrestimit, Shejh Abu Ara, si të gjithë të burgosurit, është përballur me mizori të paprecedentë që nga fillimi i luftës së shfarosjes”. tha komunikata për shtyp.
Abu Ara, i cili u arrestua në tetor të vitit të kaluar, iu nënshtrua torturave dhe iu mohua kujdesi mjekësor, tha Autoriteti Palestinez.
Deri më tani nuk ka asnjë koment nga Izraeli për këtë lajm.
Të paktën 18 palestinezë kanë vdekur në paraburgimin izraelit që nga fillimi i luftës në Gaza më 7 tetor, tha muajin e kaluar Shoqata e të Burgosurve Palestinez.
